21.6.08

مذبحه القلعه

طبعا كلكوا عارفين مذبحه القلعه المشهوره اوى دى
المهم
للى مش عارفها
دى كانت بطوله نجم الشباك محمد على باشا
والضحايا كانوا امراء المماليك وقتلهم عن اخرهم
طبعا انا عارف ان معظمكم بيحب التاريخ موت وبتساله ايه لازمه الكلام فيه؟؟؟؟؟
اقولكم
حصل من كام يوم او بمعنى اصح بيحصل اليومين دول مذبحه شبه مذبحه القلعه
وبطلها وزاره التربيه والتعليم او خلينا نقول الحكومه (انا عارف حروح فى داهيه يلا)ا
والضحايا طلاب الثانويه العامه
طيب ازاى
اقولكم
الحكومه بتاخد الطلاب بعد سنه كامله من الدراسه والدح والتعب وتبدا الوعود الجميله بامتحانات سهله ودنيا زى العسل
والطلبه يا عينى مش مخونه وهوب
خش اللجنه ودى بتمثل القلعه فى حكايه محمد على
ووزع ورق الاسئله
وهوب تبتدى المذبحه
انهيارات
عياط
اغماءات
صرع
انتحار
وفين المسؤل
المسؤل طالع على القناه التانيه فى برنامج (هنا الحكومه)
وبيقول : الامتحانات بتشهد طفره كبيره جدا والامتحان فى مستوى الطالب المتخلف ونسبه النجاح فى العينه المنتقاه (اسف اقصد العشوائيه) نسبه النجاح فيها 99.9999999999% ومفيش غير ورقه واحده بس سقطت
بذمتكم مش استفزاز؟
وفعلا ليا حق اشبها بمذبحه القلعه؟
يعنى مثلا انا شوفت امتحان الفيزياء بتاع السنه دى
امتحان عسل عسل عسل
فى مستوى الطالب الخارق والله لو سوبرمان كان انهار قدامه
قولت انزل اتفرج على الشوارع بعد امتحان الفيزياء
يالهوى على المناظر
الولاد بيكسروا كل حاجه قدامهم
كان فى حالات اغماء وانهيارات قدامى
والطلابات صويت وعياط ولطم والحاجات الحلوة اللى انتوا عارفينها
والله حتى الاوائل
اخر الليل بعد ما كل الطلبه هدوا وامنوا بالامر الواقع
يطلع المستفز والله مستفز
ويقول
الامتحان فى مستوى الطالب المتوسط ولم يخرج من المنهج
معلش يا عم الوزير اصلنا مش بنفهم انتوا دايما عندكوا حق
واحنا مش بنفهم
واحنا يا عينى بنظن فيكوا السؤ انكوا بتعملوا كده علشان تنفعوا الكليات الخاصه
اكيد احنا غلط
ومدد يا محمد على
بركاتك
Posted by at 5 comments:
Subscribe to: Posts (Atom)